УИХ-ын гишүүн Г. Амартүвшингийн санаачлагаар Хан-Уул дүүргийн 100 гаруй жижиг, дунд бизнес эрхлэгчид болон стартап бизнес эрхлэгчдийг хамарсан Next Up бизнес хөтөлбөр цахимаар амжилттай зохион байгуулагдлаа.  КОВИД-19 цар тахал хүмүүсийн амьдралын хэв маягийг ихээхэн өөрчилж, шинэ сорилтуудтай нүүр туулж байгаа энэ цаг үед бизнес эрхлэгчдэд цаашид бизнесээ шинэ арга барилаар удирдах, зах зээл, хэрэглэгчийн зан төлөвийн өөрчлөлтийг танин мэдэх зайлшгүй шаардлага тулгарч байна.
Монголын шилдэг бизнесийн ментор, зөвлөхүүд оролцсон энэхүү арга хэмжээнд “Вай Инсайт” ХХК захирал Б. Анхбаяр оролцож “Цар тахал ба зах зээлийн судалгаа”  сэдвээр бизнес эрхлэгчдэд цахим сургалт хийж харилцан санал бодлоо солилцож амжилттай оролцлоо.