Вай Инсайт ХХК нь 2019 оноос бизнесийн судалгаа, нийгэм, эдийн засгийн судалгаа, олон улсын төсөл хөтөлбөрийн үнэлгээ, мэдээлэл цуглуулалт, сургалтын үйлчилгээг харилцагчдадаа мэргэжлийн өндөр түвшинд хүргэн ажиллаж байна.

Манай компани нь олон улсын стандартыг үйл ажиллагаандаа мөрдлөг болгохын зэрэгцээ дэвшилтэт технологийг үйлчилгээндээ нэвтрүүлж 180 гаруй олон улсын болон дотоодын томоохон аж ахуй нэгж, байгууллага, төрийн болон төрийн бус байгууллага, төсөл хөтөлбөрүүдийн судалгаа анализ, сургалтын төслийг амжилттай хамтран хэрэгжүүлсэн туршлагатай.

Одоогоор “Вай Инсайт” ХХК 30 орчим судлаачдаас бүрдсэн үндэсний хэмжээнд томоохон судалгаа, шинжилгээ хийх хүний нөөц болоод техник, технологийн цогц шийдлийг үйл ажиллагаандаа бүрэн нэвтрүүлэн ажиллаж байна.

Бид судалгаа шинжилгээний аливаа төслийг зөвхөн статистик мэдээлэл, боловсруулсан тоон үр дүн бүхий тайлангаас илүү ажил хэрэгч зөвлөмж анализ, урт хугацаанд ялах стратеги бүтээх боломжийг захиалагч байгууллагад олгохыг хичээн ажилладаг.

ЧАНАРЫН ХЯНАЛТЫН СТАНДАРТ
Судалгааны түүвэрлэлт, мэдээлэл цуглуулалт, хяналт, боловсруулалт, тайлан дүгнэлт зэрэг бүхий л үе шатуудад олон улсын судалгааны ёс зүйн хэмжүүр болох ESOMAR, ISO 20252:2019 стандартыг мөрдөн ажилладаг.

ДАТА БААЗ
Бид нээлтэй мэдээллүүдийг нэгтгэн баяжуулсаар Монгол Улсын 1.5 сая хэрэглэгчдийн утасны дугаар, байршил, нас хүйс, мөн 100 мянга гаруй аж ахуйн нэгж, байгууллагуудын утасны дугаар, үйл ажиллагааны чиглэл, ажилчдын тоон мэдээллийг бүрдүүлээд байна.

ЗАЙНААС СУДАЛГАА АВАХ
Судалгааг зайнаас зохион байгуулах, бага зардлаар богино хугацаанд үр дүнг харах, алслагдсан сум сууринд байгаа хэрэглэгчийг судлах зэрэг боломжуудыг олгодог телефон утасны судалгааны мэргэшсэн операторуудтай.

СУДАЛГААНЫ ДИЗАЙН, ТӨЛӨВЛӨЛТ

Туршилтын судалгааг зохион байгуулж захиалагч байгууллагад танилцуулсны дараа судалгааны дизайн, төлөвлөлтийг эцэслэдэг. Мөн судалгааны үр дүнг илүү бодитой болгох үүднээс төрөл бүрийн чанарын судалгаануудыг түлхүү зохион байгуулдаг.

БЕНЧМАРКИНГ, ХАРЬЦУУЛСАН АНАЛИЗ
Бид ямар ч төрлийн судалгааны төсөл дээр гадаад улс орнууд дахь ижил төстэй кейсүүдийг Монгол Улсын зах зээл, хэрэглэгчийн зан төлөв, хандлагатай харьцуулан судалдаг.

ҮНИЙН БОДЛОГО
Захиалагч байгууллагуудын нөөц бололцоо, нөхцөл байдалд нийцүүлэн үнийн уян хатан бодлого баримталж урт хугацааны тогтвортой хамтын ажиллагааг чухалчилдаг.

МАТЕРИАЛЛАГ БААЗ
Судалгааны мэдээлэл цуглуулах техникийн болон програм хангамжаар бүрэн хангагдсан. Фокус булгийн ярилцлага зохион байгуулах зориулалтын өрөө, танхимтай.

ГЭРЭЭТ МЭДЭЭЛЭГЧИД
УБ хот болон 21 аймаг, 360 гаруй сумын худалдааны цэгүүдийн төлөөлөл буюу хүнсний дэлгүүр, сүлжээ супермаркетууд, зах, худалдааны төв, хоолны газар, ресторан ажиллуулдаг эзэд, ажилтнуудыг гэрээт мэдээлэл цуглуулагчаар сонгон хамтран ажилладаг.